Səhər saatlarında doğma şəhərə dönən Amil Qasımov böyük coşqu ilə qarşılanıb.
Kəpəz.tv (Region TV) xəbər verir ki, samboçunu qarşılamaq üçün Nizami məqbərəsinə idman ictimaiətinin nümayəndələri, Amilin məşq yoldaşları və yaxın dostları toplaşıb.
Gəncə sambo məktəbinin yetirməsi Rusiyanın Kazan şəhərində keçirilən Avropa çempionatında qızıl medala layiq görülüb.
1 saylı uşaq-gənclər idman məktəbindən Əli Hacıyevin yetirməsi olan Amil Qasımov karyerası ərzində 2-ci dəfə bu ada layiq görülüb.
Amil Qasımovun final görüşü xüsusi ilə seçilib. Səbəbsə idmançının rəqibinin erməni əsilli olan, ancaq Ukraniyanı təmsil edən samboçu olması idi.
Bu barədə danışan samboçumuz məsuliyyətli işin öhdəsindən layiqincə gəldiyi üçün çox sevincli olduğunu bildirib: "Mən finalda erməni əsilli idmançı ilə qarşılacağımı eşitdikdə, ona məğlub olmaq barəsində fikirləşmirdim. 9-0 hesabı ilə qalib gəldim və özümü bir yox, iki çempion kimi hiss etdim.
Qeyd edək ki, 30 yaşlı Amil Qasımov, 1 dəfə Dünya çemiponu, bununla yanaşı ilk dəfə Azərbaycanda baş tutan Avrop Oyunlarının gümüş medalına yüksəlib.