Güney Azərbaycanda qadın milli fəal evindən oğurlanıb
Ötən bazar günü Güney Azərbaycanın Qəzvin şəhərində son zamanlar İranda Parlament seçkilərinə qatılmış, amma namizədliyi qəbul olunmayan Süheyla Kargər naməlum şəkildə yoxa çıxmışdır. Sonradan məlum olmuşdur ki, onu təhlükəsizlik qüvvələri oğurlamışlar. Süheyla Kargərə qarşı olduqca kobud hərəkətlər həyata keçirilmiş, həbs olunduğu an isə o, ağır zərbələrə məruz qalmışdır. Onun hansı maddə ilə ittiham olması hələlik naməlum qalmışdır.
Ümid Partiyasının sədr müavini Rüfət Muradlının redaksiyamıza verdiyi məlumata görə həbs olunduğu gündən beş gün sonra Süheyla Kargər nəhayət evinə telefon açaraq Tehranın siyasi məhbusların saxlanıldığı məşhur "Evin" həbsxanasında olduğunu ailəsinə bildirmişdir.
Qeyd etmək lazımdır ki, Süheyla Kargər evlidir və Elay adlı beş yaşlı övladı var. 22 may olaylarının ildönümü ərəfəsində Tehran rejimi milli fəallara qarşı repressiya siyasətinin yeni mərhələsinə start vermişdir.
Uluyol.info
