FİFA-nın 66-cı konqresində tarixi qərar qəbul edilib. Virtualaz.org Qərb mətbuatına istinadən xəbər verir ki, toplantıda qurumun baş katibi ilk dəfə olaraq qadın seçilib.
Seneqal Futbol Federasiyasını təmsil edən Fatma Samba Diuf Samur ali futbol qurumunun ilk qadın baş katibi olacaq.
FİFA prezidenti Canni İnfantino bu seçimi mütərəqqi addım kimi dəyərləndirib: "Biz gender bərabərliyi baxımından əla qərar verdik. Üstəlik bu xanım keçmişin yox, gələcəyin təmsilçisidir. Düşünürəm ki, çox mütərəqqi seçim və təyinat oldu”.
