Dünyanın harasında olmağından asılı olmayaraq, heç bir millət türk millətini təhqir edə bilməz.

Axar.az xəbər verir ki, bunu öz Feysbuk səhifəsində məşhur türkiyəli siyasətçi Sinan Oğan paylaşıb. Onun sözlərinə görə, İran azərbaycanlılara qarşı təhqirinə görə üzr istəməlidir:

"Hər kəs öz həddini biləcək. Türklər Güney Azərbaycanda dişlərini tualet fırçası ilə təmizləyir kimi təhqiramiz televiziya proqramına icazə verənlər dərhal üzr istəməlidirlər”.

Qeyd edək ki, bir müddət öncə İranın "Kanal-2” telekanalında azərbaycanlıların təhqir olunmasından sonra Güney Azərbaycandakı soydaşlarımız etirazlara başlayıblar. Təbriz, Ərdəbil, Urmiya, Xoy və digər şəhərlərdə böyük mitinqlər keçirilib. İlkin məlumatlara görə, İran kəşfiyyatı artıq öz haqlı səsini qaldırmaları ucbatından 47 nəfər siyasi fəalı həbs edib.