-Möhkəm xarakterə malik idi. Demək olar ki, hər sahəyə maraq göstərirdi. Özü məsuliyyətli olduğu üçün  insanlarda da bu xüsusiyyətə önəm verirdi. Dəyərli məsləhətlər verirdi. Onun fikirləri araşdırmalarıma böyük kömək olub. Həkimlikdən boş qalan vaxtlarını qiraətə sərf edir, xarici səfərlərdə olanda isə kitabxanalarda keçirməyə üstünlük verib, qədim əlyazmalar axtarışında olurdu.

 

-Bir şəxsiyyəti illərlə araşdırmağa başlayanda əsərlərinin təsir dairəsindən ayrıla bilmirsən. Deyərdim ki, orta səviyyəli əsərini belə şah əsər səviyyəsində qəbul edirsən. Çox zaman sevdiyi yazarın bədii əsərlərini oxuyanlar da belə hislər keçirir. Çünki onun yaradıcılığına ürəkdən bağlanırsan, başqalarının sezdiyi çatışmazlıqları görməz olursan. Doğrudu, bu hal tənqidçi üçün, əsəri təhlil edən üçün məqbul sayılmır. Çünki bu zaman obyektiv, tərəfsiz olmaq gərəkir. Bax mənim üçün Cavad Heyətin yazdıqlarını  araşdırmaq belə bir hislə bağlı olub. Ümumiyyətlə, doktor geniş dünyagörüşünə, dərin erudisiyaya malik idi, gözəl praqmatik idi. Yəni, əqidə, ideya, həyati məqsədini yalnız emosiya, fikir, söz səviyyəsində saxlamırdı. Onu mütləq əmələ çevirirdi. Məsələn, İranda Pəhləvilərin hakimityyəti sürəcində fars şovinistlərinin kəskin hücumlarına məruz qalan Azərbaycan dili, ədəbiyyatı, tarixi, mədəniyyəti üzərindəki təhriflər və yalanları atıb, əsl həqiqəti oxuculara çatdıra bilmişdi. Həyat devizlərindən biri  bəlkə də ”Vaxt sərvətdir” idi. Mən onu qədim Şərq filosoflarına, klassik dövrün ziyalılarına bənzədirdim. Türk və fars dili ilə yanaşı fransız və ərəb dilini də mükəmməl bilirdi. Şərq poeziyasının vurğunu olub, irfan elminə vaqif idi. 

-Bunun çətin olduğu aşkardır. O insan tək cümləyə sığmaz. Nəinki tək cümlə, çoxsaylı cümlələr belə azlıq təşkil edər. Əgər buna məcburamsa gərəkdir ki, tək cümləyə belə sığdırım: "Öz milləti, dili, tarixi ilə fəxr edən və bunlar uğrunda daim çalışmış bir şəxsiyyət" O, həm də uzun illər xalqın yadırğadığı, unutdurdurulmuş dilini özünə qaytardı. Farsca ürək "del" adlanır. Deməli, Cavad Heyət mənsub olduğu xalqının delini-dilini müalicə edib sağaltdı, onu yaşatdı.

-Doktor 2014 - cü ildə Azərbaycana gələndə xəstə idi. Yanına ailə üzvlərindən savayı, 2 - 3 nəfəri buraxırdılar. Bunlardan biri də mən idim. Ziyarətinə getdiyim zaman onunla söhbətləşirdik. Belə söhbətlərin birində məlum oldu ki, Doktor xatirə yazırmış. Bildirirdi ki, nə qədər ki, sağam, bunları üzə çıxarmayacağam. Xatirələri 2 hissəli idi. Biri şəxsi həyatından, digəri isə atası ilə bağlı xatirələrdən ibarət idi. Bundan başqa o, məhəbbət şeirləri də yazırdı. Bunu da heç kəsə bildirmək istəmirdi. Bildirirdi ki, ətrafım məni rəsmi biri kimi tanıyır. Həssaslığımı, kövrək hislərimi ifadə etdiyim şeirlərimin sağlığımda oxunmasını istəmirəm. Ancaq şeirlərinin çap olunmasını vəfatından sonra istəyirdi.

-Əslində jurnalın adı "Səhənd" deyə düşünülmüşdü. Sonradan dəyişdirilib "Varlıq" oldu. Jurnalın ilk sayı vaxtsız həyatdan köçmüş  şair Bulud Qaraçorlu Səhəndə həsr olundu. "Varlıq" elə bir fəlsəfi məfhum idi ki, çox şeyi əhatə edirdi. Varlıq - yəni xalqın varlığı, mövcudiyyət kimi anlaşılmalıdır.  Jurnal yadırğanmış, unudulmuş Azərbaycan dilini özünə qaytardı. Jurnalın nömrələrində izahlı lüğət də verilirdi. Ortaq türkcədə yazılırdı. "Varlıq" bir növ əlifbaya bənzəyirdi. 

-Cavad Heyət vəfatınadək jurnala rəhbərlik edib. 2014 - cü ildən etibarən "Varlıq" Türkiyədə çap olunmağa başlayıb. Redaktoru isə Məhəmməd Rza Heyətdir.  Bu jurnalı daha çox elmi cameə oxuyur. M.R. Heyətin Türkiyədə məskunlaşması jurnalın da məhz orada çıxmasına səbəb oldu. Hal-hazırda dərginin bir neçə sayı çıxıb.

- Cavad Heyətin 5 qız övladı var. Onlardan Bir qızı - Maral xanım Los-Ancelesdə yaşayır. Stomatoloqdur. Digər  bir qızı fars dili mütəxxəsisidir. Həkim kimi də, publisist kimi də yolunu davam etdirənlər var. Məhəmməd Rza Heyətə gəlincə isə, o, doktorun yaxın qohumudur. Türkiyədəki "Varlığ"ın hazırkı, əməkdaşları da Cavad Heyətə yaxın olmuş adamlardan təşkil olunub. Belə deyək, Cavad Heyətin "şineli”ndən çıxıblar. Həm Doktorun zamanındakı, həm də indiki "Varlıq" mənə doğmadır. Jurnaldakı mövzular ciddi dəyişikliyə uğramayıb.