Müdaiə Nazirliyi xəbər verir ki, erməni silahlı bölmələri mövqelərimizi və təmas xəttinə yaxın yaşayış məntəqələrini beynəlxalq konvensiyalar tərəfindən qadağan edilmiş sursatlardan istifadə etməklə atəşə tutub.
Silahların hansı beynəlxalq konversiyalara zidd olması və nə kimi zərərli olduğu barəsində hərbi ekspert Üzeyir Cəfərov Avropa.info-ya açıqlama verib.
Onun sözlərinə görə, ermənilər artıq heç bir beynəlxalq qaydalara əməl etmir və kimyəvi tərkibli silahlardan istifadə etməklə əsgərlərə psixi təsir göstərməyə çalışırlar.
"Azərbaycan Müdafiə Nazirliyi özü çox sərt addımlar atmalıdır. Çünki düşmən heç bir beynəlxalq hüquqları tanımır və heç bir qanunlara əməl etmək istəmir. İndi də qadağan olunmuş silahlardan istifadə edir. Əldə edilən şəkillərdən də bunu görmək mümkündür. Bu silahlar daha çox kimyəvi tərkibi olan silahlardır və istifadəsi beynəlxalq konversiyanın tələblərini kobud şəkildə pozmaqdır. Ermənilər isə bu silahlardan istifadə edirlər və indiyə qədər çox şeylər eşitmişdik, görmüşdük, amma bu dəfə onların istifadə etdiyi bu silahlar adı tam bəlli olmayan silahlardır ki, onlarında təkibində kimyəvi maddələr var. Bu silah əsgərlərdə müəyyən psixi təsirlər yaradır".
Ü.Cəfərovun sözlərinə görə, ermənilərin istifadə etdiyiyi silahın nəinki insanlara, hətta ətrafda olan bütün canlı qüvvəyə zəhərli təsiri olur: "Azərbaycan bu məsələni cavabsız qoymayacaq. Çünki beynəlxalq normalara görə, bu, artıq düşmən tərəfinin kobud qanun pozuntusudur. İnanıram ki, artıq Müdafə Nazirliyi tərəfindən lazimi addımlar atılır”.
