Bu gün Milli Qəhrəmanımız, milliyətçə yahudi olan şəhidimiz Albert Aqarunovun doğum günüdür. Müsavat Partiyasının rəhbərliyi və bir qrup üzvü bu gün səhər Şəhidlər Xiyabanında Albert Aqarunovun, eləcə də Milli Qəhrəmanlarımız Ramiz Qəmbərovun, Çingiz Mustafayevin və digər şəhidlərimizin qəbirlərini ziyarət ediblər. Mərasimdə Albert Aqarunovun İsraildə yaşayan qardaşı Rantık Aqarunov və onun yaxınları da iştirak ediblər.
Müsavat başqanı Arif Hacılı və MSDM-in sədri İsa Qəmbər Albert Aqarunovun vətəndaşı olduğu, doğulub boya-başa çatdığı Azərbaycan üçün canından keçməsinin əhəmiyyətindən danışıblar. "Basta” informasiya portalının redaktoru Mustafa Hacıbəyli Şuşanın müdafiəsi uğrunda gedən döyüşlərdə Albert Aqarunovun göstərdiyi fədakarlıqdan danışıb. Mustafa Hacıbəyli Albert Aqarunovun sayəsində özünün və digər döyüşçü yoldaşlarının sağ qaldığını bildirib.
Rantik Aqarunov onun qardaşının adını uca tutduqlarına görə toplantı iştirakçılarına təşəkkürünü bildirib və "hamınız mənim qardaşımsınız” deyib.
Allah rəhmət eləsin.