Rusiyanın xarici işlər naziri "erməni soyqırımı” qurbanlarını ziyarət edib
Rusiyanın xarici işlər naziri Serqey Lavrovun Ermənistana iki günlük səfəri başa çatıb. Səfərin yekunlarına dair İrəvanda mətbuat konfransı keçirən nazir Rusiyanın Ermənistan-Azərbaycan münaqişəsinin sülh yolu ilə halinə maraqlı olduğunu deyib.
Lavrov bildirib ki, Qarabağ münaqişəsi ilə bağlı tərəflərin 1994-cü ildə əldə etdiyi atəşkəs razılaşmasına əməl etmək vacibdir. Lavrovun sözlərinə görə Rusiya vasitəçi dövlətlərdən biri olaraq, münaqişənin sülh yolu ilə həll olunması üçün əlindən gələni edəcək.
"Biz həmçinin Rusiyanın vasitəçiliyi ilə 2011-ci ildə irəli sürülən həll paketinin reallşmasını vacib sayırıq”, – nazir deyib.
Ukraynanı ilhaq edən, Suriyaya qoşun yeridən və digər bütün münaqişələrdə iştirakçı olan Rusiyanın xarici işlər naziri öz ölkəsini sülhpərvər bir dövlət kimi təqdim etməklə yanaşı, Türkiyənin əleyhinə də danışıb.
Lavrovun sözlərinə görə, aprel ayında Türkiyə Ermənistanla Azərbaycan arasında atəşkəsin pozulduğu dövrdə Türkiyə rəhbərliyi sülhə yox, müharibəyə çağırış edib. "Biz Türkiyə rəhbərliyinin belə hoqqalarına öyrəncəliyik”, – Lavrov deyib.
Rusiyanın xarici işlər naziri həmçini Ermənistanla müttəfiq olduqlarını ifadə etmək üçün "erməni soyqırımı” qurbanlarını ziyarət edib.