Rusiya Ermənistanın müttəfiqidir və daim ermənilərin xeyrinə addımlar atmağı ilə seçilib. Bölgədə Ermənistanı yaradan və bölgəyə, indiki Ermənistana daha çox erməni köçürən də məhz Rusiya olub. I Pyotrun zamanından başlayan bu siyasət XX əsrə qədər müxtəlif fasilələrlə davam edib. Doğrudur, həm ermənilər, həm də ruslar bunu müxtəlif bəhanələrlə rədd etsələr də, tarixdə olan faktlar tərsini söyləyir.
Axar.az Putinin ermənilərin Qafqaza gətirilməsi haqqında çıxışını yenidən təqdim edir. Bir neçə ilə öncə İrəvana səfəri zamanı ermənilər qarşısında çıxış edən Putin Rusiya imperatoru I Pyotrun ermənilər haqqında işlətdiyi ifadələri yenidən dilə gətirir. O, görüntülərdə Pyotrun 300 il bundan öncə söylədiyi vədlərin deyildiyi kimi yerinə yetirildiyi bildirir.
Putin Böyük Pyotrun ermənilərin Türkiyə və Azərbaycanla sərhəddə yerləşdirilməsi barədə vəsiyyətini xatırladaraq bu sözləri vurğulayıb:
"Deyildi və yerinə yetirildi!”
