Elə insanlar var ki, onların dünyadan gedişı sözün əsl mənasında təssüf doğurur. Əlqəmə Alxan oğlu Xəlilov uzun yolun yolçularından idi .AXCP – nın Qubadlı Rayon təşkilatının qurucularından, Müsavat Partiyası Qubadlı Rayon Təşkilatının fəal üzvü, sədr müavini idi.
Onun keçdiyi şərəfli yol örnək olacaq qədər ali idi.
O, bir Azadlıq mücahidi idi, avtoritar rejimin qanunsuzluqlarına etiraz etməkdən çəkinməzdi. O, bir Vətən fədaisi idi, vətənindən uzaq qalsa da, ürəyindəki vətən eşqi zərrə qədər də, azalmamışdı.
Bəzən insanlar yaşı neçə olur olsun, "övladlarını yerbəyer etdi, daha nə dərdi qaldı ki?” – deyib təsəlli verərlər.
Əlqəmə bəyin ən böyük dərdi Vətən dərdi idi.”Gəzməyə qərib ölkə, ölməyə vətən yaxşı” – deyən Əlqəmə bəy o niskili özü ilə apardı.
Ən təssüf doğuran hal bilirsiniz nədi? İllər boyu Vətənin Azadlığı uğrunda mübarizə aparan, rejimin yaratdığı bütün mədudiyyətlərə baxmayaq sivil, demokratik cəmiyyət arzusu ilə yanıb-tutuşan Azadlıq mücahidinin, o Azadlığa çatmamış bu dünyadan köç edib, getməsi…
Dəfn mərasiminə Nüsavat partiyasının Divan üzvü Razim Əmiraslanlı, Müsavat Partiyası Qubadlı Rayon Təşkilatının sədri Nazim Azadoğlu, Müsavat Məclisinin Gender Komissiyasının sədri Könül Alı , Müsavat Partiyası Sumqayıt şəhər təşkilatının sədri Fəxrəddin Abbas və bir çox müsavatçılar qatıldılar.
Əlqəmə bəyi canından artıq sevdiyi Vətənin al bayrağına bükdü dostları. Müsavatçıların onun cənazəsinə girib heç kimi yaxına buraxmamsı ailəsinə və övladlarına qürur hissi yaşatdı.Biz müsavatçılar mübarizəsini sona çatdırmamış bu dünyadan köçən əqidə dostlarımızın yolunu daima davam etdirəcəyik. Ancaq xalqımızın Azadlığına qovuşduğu gün onların ruhu şad olacaq.
Allah rəhmət eləsin!
Könül Alı, Bastainfo.com