Böyük Britaniya - Azərbaycan Parlamentlərarası Dostluq Qrupunun sədri, millət vəkili Bob Bləkman Dağlıq Qarabağda Ermənistan və Azərbaycan qoşunlarının təmas xəttində Ermənistan tərəfindən atəşkəşin pozulması ilə əlaqədar bəyanatla çıxış edib.
"Report"un məlumatına görə, millət vəkili bildirib ki, uzun müddətdir təmas xəttində gərginlik artmaqdaydı: "Hazırda cəbhə bölgəsində ağır döyüşlər gedir. Birləşmiş Millətlər Təşkilatı bu məsələyə qarışmalı və özünün Təhlükəsizlik Şurasının 822, 853, 874 və 884 saylı qətnamələrində göstərildiyi kimi, Ermənistan Silahlı Qüvvələrinin Azərbaycan ərazilərindən çıxarılmasını təmin etməlidir".
