Son illər maddi problem yaşayan "Formula” avtomobil dünyasında yeni dəb olan sürücüsüz elektrik avtomobillərini qazanca çevirməyə çalışır.

İKT.lent.az-ın xəbərinə görə, təkcə elektromobillərin qatıldığı "Formula E” yarışları təşkil edən "Formula” rəhbərliyi indi də sürücüsüz elektromobillərin yarışını təşkil etməyə hazırlaşır. "Roborace” adı verilən və dünyanın ilk sürücüsüz avtomobil yarışı olacaq turnir üçün komandalar hazırlıqlara başlayıb.

Yarışda iştirak edəcək elektromobillərdən biri artıq bəlli olub. Dizayner Daniel Saymon tərəfindən hazırlanan və "Robocar” adlanan avtomobilin texniki xarakteristikası hələ məlum olmasa da, görüntüsü fantastik filmlərdəki avtomobillərə bənzəyir.

"Robocare” yarışının bu il "Formula E” ilə eyni vaxtda – sentyabr-oktyabrda keçiriləcəyi gözlənilir.