Dünya Bankı, iqlim dəyişikliyi səbəbindən 2030-ci ilə qədər 100 milyondan çox insanın yoxsulluq təhlükəsi altında olduğunu açıqlayıb.
Dünya Bankının iqlim dəyişikliyi və bunun qlobal yoxsulluğa təsirləri ilə əlaqədar hazırladığı son hesabatında, gələcək 15 ildə iqlim dəyişikliyinin qlobal yoxsulluğu artıracağını bildirib.
Hesabatda, iqlim dəyişikliyinin xüsusilə kasıb ölkələrin başlıca dolanışıq və həyat qaynağı olan əkinçilik sektoruna, bundan dolayı qida təhlükəsizliyinə, məşğulluq və ixracat gəlirlərinə də mənfi təsir edəcəyi qeyd edilib.
Hesabatda o da qeyd edilib ki, 2030-ci ildə , kənd təsərrüfatı məhsullarının istehsalının azalması Səhraaltı Afirka ölkələrində ərzaq qiymətlərini 12 faiz artıracaq. Bu isə gəlirlərinin 60 faizini ərzaq məhsullarına xərcləyən yoxsul xalqlara mənfi təsir edəcək.
Proqnozlara görə, iqlim dəyişikliyi ən çox dünyanın ən kasıb bölgələri olan Səhraaltı Afrika və Cənubi Asiyada yoxsulluq səviyyəsini artıracaq.
Dünyada 100 milyondan çox insanın yoxsulluq həddindən də aşağı vəziyyətə düşəcəyini proqnozlaşdıran hesabatda, 2030-cu ilə qədər yalnız Hindistanda 45 milyon insanın yoxsulluq səviyyəsindən də aşağı vəziyyətə gələcəyi təxmin edilir.
Dünya Bankının məlumatlarına görə, 2012-ci ildə dünyada 896 milyon insan gündə 1,90 dollardan da az gəlirlə dolanarkən, bunların yüzdə 78 faizini Səhraaltı Afrika və Cənubi Asiyadakı yoxsul əhali təşkil edirdi.
Nərgiz LİFTİYEVA