Ermənilər bu il aprelin 13-də Suriyada keçiriləcək növbəti parlament seçkilərinə ciddi şəkildə hazırlaşır.

Publika.az xəbər verir ki, bu barədə Ermənistanın Livandakı diaspor təşkilatının rəhbəri Qagik Harutyunyan məlumat verib.

O, etiraf edib ki, son illər Yaxın Şərqdə, eləcə də Suriyada mövcud olan erməni diasporu iflasa uğrayıb. Onun sözlərinə görə, Suriyada Bəşər Əsədin təmsil olunduğu hakim partiya ilə ciddi danışıqlar aparılır:

"Uzun illərdir ki, Suriya parlamentində cəmi bir nəfər erməni millət vəkili təmsil olunurdu. Ancaq indi Bəşər Əsədin partiyası bizə yaxından dəstək verir. Aprelin 13-də keçiriləcək seçkilərdə ən azı 3 erməninin Suriya parlamentinə düşəcəyini gözləyirik. Bunlar Vahe Mahşikyan, Erato Qriqoryan və Nora Arisyandır”.

Qagik Harutyunyan əlavə edib ki, Ermənistan dövləti Bəşər Əsədin hakimiyyətini dəstəkləyir.