Elman Fəttah vicdan məhbusu Yadigar Sadıqovla görüşüb
Vicdan məhbusu, Müsavat başqanının müavini Yadigar Sadıqov Müsavatın qərarlarından məmnundur. Bu haqda "Basta"ya Elman Fəttah bildirib. Elman Fəttah dünən 14 saylı cəzaçəkmə müəssisəsində Yadigar Sadıqovla görüşüb. Vicdan məhbusu seçki ilə bağlı prosesləri izlədiyini bildirib.
"Müsavat Partiyasının parlament seçkiləri ilə bağlı qərarlarını incə hesablanmış və zamanında qəbul edilən düzgün qərarlar hesab edirəm. Alqışlayıram. Hakimiyyətlə Müsavat arasında gedən siyasi çəkişmədə rəhbərliyində olduğum partiyanın üstün mövqeyini zövqlə izləyirəm" - deyə, Yadigar Sadıxov vurğulayıb.
Elman Fəttah Yadigar Sadıxovun sağlıq durumunun da normal olduğunu bildirib.
bastainfo.com
