Dünyanın bir sıra ölkələrini təhlükə qarşısında qoyan Zika virusu ilk dəfə Banqladeşdə aşkarlanıb.
Bu barədə Banqladeşin rəsmi xəbər agentliyi məlumat yayıb.
Bu ölkənin səhiyyə naziri Zahid Malik jurnalistlərə açıqlamasında virusun 67 yaşlı kişidə aşkarlandığını deyib.
Nazir həmin şəxsin nəzarət altında olduğu və vəziyyətinin normal dəyərləndirildiyini bildirib.
Bu ölkənin Yoluxucu Xəstəliklərə qarşı Mübarizə vəAraşdırma Mərkəzinin rəhbəri Mahmudar Rəhman Zika virusu aşkarlanan şəxsin ölkənin cənubunda yaşadığını və bu vaxta qədər xarici ölkəyə səfər etmədiyini açıqlayıb.
Ümumdünya Səhiyyə Təşkilatının məlumatına görə, son həftələr Braziliya, Kolumbiya,Salvador və Venesuela kimi ölkələrdə virusa yoluxma halları artıb. Ötən ilin may ayında ilk dəfə Braziliyada aşkarlanan Zika virusu ağcaqanadlar vasitəsilə yayılır. Artıq bütün Amerika qitəsi ölkələrində virusa yoluxma halı qeydə alınıb.(publika.az)