"Fənərbaxça" rəhbərliyi "Braqa”yla Avropa Liqası matçında (1:4) qırmızı vərəqə görən futbolçularla bağlı qərarını açıqlayıb. Apasport.az saytının məlumatına görə, klub rəhbərliyi "Braqa”ya oyunda meydandan qovulan Mehmet Topal və Alper Potukla bağlı hansısa qərar qəbul etməyib.
Amma matçın baş hakiminə fiziki təzyiq göstərən Volkan Şənin cəzası yetərincə ağır olub. Belə ki, "Fənər” rəhbərliyi hakimə hücum etdiyi üçün meydandan qovulan Şəni 50 min dollar cərimə edib.
Volkanın UEFA tərəfindən də ağır cəzalandırılacağı gözlənilir.
