Son aylar Administrasiyadan gələn ciddi tapşırıqların öhdəsindən gələ bilməyən icra başçıları böyük təşviş içindədirlər. Prezident İlham Əliyevin sonuncu müşavirəsində son xəbərdarlıqlar alan bəzi rayon icra başçıları daha ciddi rejimdə işləməyə məcbur olublar.

Elə bu səbəbdən də bəzi icra başçıları özlərini prezidentin gözündə yaxşı göstərmək üçün bütün vasitələrə əl atırlar.

Bizimxeber.az-a Cəlilabad sahibkarlarından daxil olan məlumata görə, iki gün əvvəl Cəlilabad rayon icra başçısı Əziz Əzizov öz yaxın adamlarına göstəriş verib ki, Novruz bayramının daha təmtəraqlı keçirilməsi üçün vəsait toplansıın.

Məlumatda qeyd olunur ki, bütün idarə və müəssisə rəhbərləri ayrı-ayrılıqda bayram şənliyinin keçirilməsi üçün puı toplamağa başlayıblar. Üstəlik rayondakı sahibkarlar da 300 manat pul verməlidirlər.

 Məlumatda deyilir ki, Əziz Əzizov eyni göstərişi yeni ildə də veribmiş, Buna etiraz edən sahibkarlara isə bildirilib ki, pulu verməsələr ciddi təzyiqlərlə üzləşmək məcburiyyətində qalacaqlar.

Məlumat üçün bildirək ki, Əziz Əzizov prezidentin ciddi  və son xəbərdaqlığını alan icra başçılarındadır. Ötən il az qala vəzifəsini itiriən Əziz Əzizov görünür hələ də sözünün  üstündə dayana bilmir.