"Dəməşqdə heç vaxt kimyəvi silahlardan istifadə olunmayıb”.
"Qafqazinfo”nun Rusiya KİV-nə istinadən verdiyi məlumata görə, bu barədə Suriyanın Rusiyadakı səfiri Riyad Xəddad bildirib.
"KİV-də Suriya hökumətinin kimyəvi silahlardan istifadə etdiyi haqda xəbərlər yayılıb. Lakin bu, informasiya müharibəsinin bir hissəsidir. Biz heç vaxt kimyəvi silahlardan istifadə etməmişik. Lakin Türkiyə tərəfindən dəstəklənən terror təşkilatları kimyəvi silahlardan istifadə edib”, - deyə səfir qeyd edib.
