Neft yenə üzüaşağı gedir: 1 gündə 5 dollar ucuzlaşdı
Dünya bazarında neftin qiyməti ucuzlaşır.
Musavat.com xəbər verir ki, bu saatlarda Londonun ICE birjasında Brent markalı neftin yanvar fyuçerslərinin qiyməti 4 dollara yaxın ucuzlaşaraq 78,5 dollara, Nyu-York birjasında WTI neftinin bir bareli 73.89 dollara ticarət olunur.
Bu gün ərzində 5 dollardan yuxarı ucuzlaşmanın əsas səbəbi ABŞ-da neft ehtiyatlarının 9,1 milyon barel artması xəbəri, həmçinin əsas iqtisadiyyatlarda qeydə alınan zəif iqtisadi göstəricilər fonunda təklifin artmasıdır.
Noyabrın 26-da OPEK+ ölkələri nazirlərinin Vyanada görüşü gözlənilir. Bir çox analitik mərkəzlərə görə, bəzi oyunçular bazara irihəcmli əlavə neft çıxarmaqla görüş ərəfəsində qiymətləri ucuzlaşdırmaqla OPEK+ çərçivəsində hasilatın azaldılması öhdəliklərinin 2024-cü ilin birinci rübündə də saxlanmasına nail olmağa çalışırlar. Belə oyunçular arasında ən çox adı hallanan Rusiyadır. Neft qiymətlərinin 80 dollardan yuxarı qalmasına ən çox ehtiyac duyan Rusiya sentyabrın ikinci yarısı-oktyabrda ixracı kəskin şəkildə artırıb. Bu isə bazarda qiymətlərin düşməsini şərtləndirir.
