ABŞ-da atışma olub, ölənlər var
ABŞ-ın Vaşinqton ştatının Yakima şəhərində mağazada baş verən atışma nəticəsində azı 3 nəfər ölüb.
"Report” xəbər verir ki, bu barədə çərşənbə axşamı CNN şəhərin polis idarəsinin nümayəndəsinə istinadən məlumat yayıb.
Hüquq-mühafizə orqanları əməkdaşlarının sözlərinə görə, yerli vaxtla saat 03:30-da (Bakı vaxtı ilə saat 14:30) naməlum şəxs Yakima şəhərində yerləşən "Circle K" mağazasına daxil olaraq atəş açıb, bundan sonra o, yolu keçərək içərisində sərnişin olan avtomobili qaçırıb. Hadisəni törədən şəxs qaça bilib.
Əraziyə gələn polis əməkdaşları xəsarətlərdən yerindəcə ölən 3 nəfərin meyitini aşkarlayıblar. Hüquq-mühafizə orqanları cinayətkarın oğurladığı avtomobilin sərnişininin də öldürülə biləcəyini istisna etmirlər.
