ABŞ Dövlət Departamenti Krıma görə Rusiyaya qarşı yeni sanksiyalar tətbiq etmək niyyətindədir
ABŞ Dövlət Departamenti Krımın anneksiya olunmasına görə Rusiyaya qarşı tətbiq edilə biləcək yeni sanksiyaları nəzərdən keçirəcək. APA-nın "RİA Novosti”yə istinadən verdiyi xəbərə görə, bu barədə dövlət katibinin köməkçisi Viktoriya Nuland bildirib.
"Biz bu istiqamətdə əlavə nə edə biləcəyimizi araşdıracağıq”, - deyə Nuland Senatda dinləmələr zamanı müvafiq suala cavabında vəd edib.
Nuland xatırladıb ki, hazırda ABŞ və Aİ tərəfindən tətbiq edilən sanksiyalar bu bölgəyə sərmayə yatırmağı qadağan edir.
