Ukrayna İranla diplomatik əlaqələri kəsə bilər
Ukrayna parlamentinin üzvü Aleksey Qonçarenko Ali Radaya İranla diplomatik münasibətlərin kəsilməsinə dair qətnamə layihəsi təqdim edib.
Azpost.info xəbər verir ki, ukraynalı deputatlar İranın terrorizmin sponsoru kimi tanınmasına da səs verəcəklər.
Qonçarenko Radanı BMT, Avropa Parlamenti, AŞPA, NATO və digər beynəlxalq təşkilatlara, o cümlədən üçüncü ölkələrin hökumətlərinə İranı terrorizmin sponsoru kimi tanımaq çağırışı ilə müraciət etməyə də dəvət edib.
Qeyd edək ki, "The Washington Post”nun yazdığına görə, İran Rusiyaya pilotsuz təyyarələr göndərib.
