Martın 3-də Müsavat Partiyası Ağcabədi rayonunda zona müşavirəsi keçirib. Partiyanın təşkilat şöbəsindən "Basta”ya verilən məlumata görə toplantıda Ağcabədi və Beyləqan rayon təşkilatlarının təmsilçiləri iştirak ediblər.
Müşavirədə Divan üzvləri Nemət Kərimli və Başxanım Abbaslı, MNTK üzvü Nuru Xanlarov və Məclis üzvü Zakir Məmmədzadə iştirak eiblər. Ölkədəki vəziyyət və partiyanın qarşısında duran vəzifələr haqqında çıxışlar dinlənilib.
Rayon təşkilatı rəhbərlərinə partiyanın yeni təlimatları çatdırılıb. Ağcabədi rayon təşkilatının təmsilçisi Rəşid Nəcəfli və digər yerli təmsilçilər bölgədəki vəziyyət haqda məlumat veriblər.
Qeyd edək ki, ötən həftələr ərzində Müsavat Partiyası ölkənin əksər bölgələrində zona müşavirələri keçirib.
Mustafa Hacıbəyli, bastainfo.com