Məhəmməd peyğəmbərin karikaturalarının müəllifi qəzada öldü
Məhəmməd peyğəmbərin karikaturlarının müəllifi isveçli Lars Vilks ölkənin cənubunda Krunoberq əyalətinin Markarud kəndi yaxınlığında yol qəzasında ölüb.
Azvision.az bu barədə
"BBC”yə istinadən xəbər verir.
Məlumata görə, qəza nəticəsində onun mühafizəçiləri olan iki polis əməkdaşı da
həlak olub. Vilksin və mühafizəçilərin olduğu maşın yük avtomobili ilə
toqquşub. Zərbənin gücündən hər iki avtomobil yanıb. Yük maşınının sürücüsü
ağır yaralanıb. Qəzanın necə baş verdiyi barədə hələlik məlumat yoxdur.
Xatırladaq ki, müəllifin peyğəmbərlə bağlı çəkdiyi karikaturalar 2007-ci ilin
noyabr ayında İsveçin "Nerikes Allehanda” qəzetində dərc olunub. Nəşr dünyanın
bir çox ölkələrində müsəlmanların qəzəbinə səbəb olub. O, ölümlə təhdid
edildiyi üçün polisin himayəsində yaşayırdı.
Pərvanə Sultanova, azvision.az
