Finlandiya xalqı dünyanın ən savadlı xalqıdır, – yeni tədqiqat bu nəticəyə gəlib. Tədqiqatı Yeni Britaniya adasında yerləşən Sentral Konnektikut Dövlət Universiteti aparıb.
200 ölkənin əhalisinin "savadlı davranış xarakteri”ndən tutmuş yazıb-oxumaq bacarığına, akademik göstəricilərinə, kitabxanaların, məktəblərin keyfiyyətinə, ölkənin kompüter təchizatına qədər bir çox amillər nəzərə alınıb.
Siyahıda II yerdə Norveç, III yerdə İslandiyadır, növbəti yerlər: Danimarka, İsveç, İsveçrə.
ABŞ VII, Almaniya VIII, Latviya IX, Niderland X, Kanada XI, Fransa XII, Böyük Britaniya XVII yerdədir.
Sonuncu yeri isə Botsvana tutub. Ondan əvvəl İndoneziya, sondan II yerdə isə Tailand gəlir.
Tədqiqatı aparan universitetin prezidenti Con Miller deyib: "Finlandiya, Norveç, İslandiya, Danimarka, İsveç ona görə ilk 5 yeri tutublar ki, onların "monolit mədəniyyəti"ndə oxumaq dəyərdir”.
Fin yazıçı Tove Yanssonun uşaqlar üçün "Mumin” seriyasından kitabları dünyada məşhurdur.
Aki Ollikaynen
Başqa bir fin yazıçı, debüt romanı "White Hunger” ("Ağ Aclıq") bugünlərdə Beynəlxalq Man Booker mükafatının uzun siyahısına düşmüş Aki Ollikaynen deyib:
"Bizim ölkələrimizdə məktəb, oxumaq, yüksək səviyyəli təhsil icbaridir, həm də işçi sinif üçün əlçatandır. Müəllimlik, təhsil çox yüksək qiymətləndirilir.
Mən fəxr edirəm ki, Fin məktəb sistemi, həmçinin kitabxanaları hamıya açıqdır. Hər kəsin öyrənməyə, oxumağa bərabər imkanı var. Finlandiyada biz buna adi şey kimi öyrəşmişik, amma dünyada bu, lüks hesab olunur”. (azadliq.org)
Uluyol.info
