Aleksandr Lukaeşnko bu gün 2,5 milyon belarusu iməciliyə çıxardı
Belarusda Ümumdünya Səhiyyə Təşkilatının xəbərdarlıq və tövsiyyələrinə rəğmən ümumrespublika səviyyəsində kütləvi tədbir-iməcilik keçirilib.
Musavat.com xəbər verir ki, bu barədə dövlətə məxsus "BelTA” agentliyi məlumat yayıb.
Belarus baş nazirinin müavini Vladimir Kuxaryovun verdiyi informasiyaya əsasən, tədbirdə 2,3 mliyon adam iştirak edib.
İməciliyə prezident Aleksandr Lukeşnko dövlət
orqanlarının əməkdaşları, yerli hakimiyyət strukturlarının nümayəndələri və sadə
vətəndaşların müşayiəti ilə gəlib. İştirakçılar əsasən tarixi mədəniyyət abidələrinin,
yaşayış məntəqələrinin, uşaq-sağlamlıq və idman-sağlamlıq mərkəzlərinin təmizlənməsi
ilə məşğul olublar.
A.Lukaşenko özü "Pripyatski” milli parkında ağacların calaq edilməsi işi ilə məşğul
olub. Prezident briqadası yarım hektar ərazidə 8 min küknar ağacı əkib.
Jurnalistlərlə söhbətində Belarus lideri iməcilyin Belarusda çoxdan bir ənənəyə
çevrildiyini və bundan heç bir halda vaz keçməyəcəklərini söyləyib.
"Biz bu addımla təbiətə etdiklərimizə görə qəzəblənən
və bu səbəbdən başımıza vuran (koronavirus pandemiyası nəzərdə tutulur)
Tanrıdan mərhəmət diləyirik”,- deyə A.Lukaşenko qəribə izah
verib.
İməcilik gedişatında vətəndalardan toplanacaq pul vəsaiti səhiyyəyə deyil,
yaşayış yerlərinin iqtisadiyyatına, habelə Milli ədəbi muzeyin tikinti işlərinə
və Svetloqorsk rayonunda yandırılan Ola kəndinin yerindəki tikinti kompleksinə
yönəldiləcək.
İməcilikdən qabaq Belarus müstəqil həmkarlar konqresinin rəhbəri Aleksandr
Yaroşşuk Ümumdünya əmək təşkilatının baş direktoru Qay Reyderə məktub göndərərək
hökumətin öz vətəndaşlarının həyatını heçə sayaraq və yalnız öz ambisiyalarını
güdərək pandemiya günlərində vətəndaşları kütləvi şəkildə əməyə cəlb etməsinin
yolverilməz olduğunu yazıb. Yaroşşukun fikrincə, hakimiyyət bununla bütün ölkədə
əsl bioloji bomba partladıb.
Uluyol.az