Metropoliten rəsmisinin Çexiyadakı biznesi ilə bağlı ilginc təfərrüatlar -FOTOFAKT

"Metropoliten İşçiləri Həmkarlar İttifaqının sədri Mərdanov Arif Fərman oğlu Çexiyaya yolunu 2010-cu ildən salıb. 25 noyabr 2010-cu ildə Praqada FAM JONAD sro. şirkətini təsis edəndə cənab Mərdanov AzərsuASC-dəki işindən təzəcə ayrılmışdı. Bir neçə ay SOCAR-da çalışıb. 2014-cü ilin sentyabrından Metropoliten İşçiləri Həmkarlar İttifaqının sədridir”.

Sfera.azxəbər verir ki, bu haqda tanınmış araşdırmaçı-jurnalist Cavanşir Həsənli yazıb. Onun iddiasına görə, Arif Mərdanova bağlı olan Çexiyadakı şirkət (qeydiyyat nömrəsi: 24769991) istehsaldan tutmuş, ticarət, daşınmaz əmlak biznesinə qədər geniş fəaliyyət sahələrini əhatə edir.

"200 min çex kronu nizamnamə kapitalı olan şirkətin icraçı rəhbəri Arif Mərdanovun Bakıxanov 62 ünvanında qeydiyyatda olan həyat yoldaşı Nərgiz Mərdanovadır. Şirkətin 50 faizlik payı ona, qalan 50 faizlik hissəsi isə Əhməd Cavad küçəsi 1 ünvanında qeydiyyatda olan 24 aprel 1970-ci il təvəllüdlü Arif Mərdanova məxsusdur”.

İddialarla bağlı qarşı tərəf heç bir açıqlama verməyib. Onların da mövqeyini işıqlandırmağa hazırıq.