Pentaqon: "Çin Sakit okean bölgəsinin ən böyük təhdid faktorudur”
"Birləşmiş Ştatlar Çini Sakit okean bölgəsinin sabitliyini pozan əsas faktor hesab edir”.
"Reuters” agentliyinin verdiyi məlumata görə, bu sözlər ABŞ-ın yeni müdafiə naziri Mark Esperə məxsusdur.
Pentaqon rəhbəri rəsmi Pekini "yırtıcı iqtisadi siyasət”
yürütməkdə, intellektual mülkiyyəti və qlobal sərvətləri oğurlamaqda
günahlandırıb.
"Biz əminliklə inanırıq ki, heç bir dövlətin Sakit okeanda dominantlıq emtəyə
ixtiyarı yoxdur. Buna görə də Birləşmiş Ştatlar bölgənin ən zəruri problemlərinin
həlli üçün müttəfiqləri ilə çalışacaq”,-deyə müdafiə naziri Avstraliyanın
Sidney şəhərində keçrdiyi mətbuat konfransında bəyan edib.
Mark Esper vaxtilə ABŞ-ın monopoliyası sayılan
Sakit okean məkanında Çinin ağalığına imkan verməyəcəklərini söyləyib və buna
görə rəsmi Pekinə qarşı mübarizə aparmağa hazır olduqlarını bu sözlərlə ifadə
edib:
"Biz Çinin hər kəs üçün təşviş və təhdid doğurucu aqressiv davranışlarına qarşı
sözümüzü deyəcəyik. Burada söhbət rəsmi Pekinin guya zəruri problemlərini yerinə
yetirmək adı altında kütləvi şəkildə silahlanmasından, yırtıcı
iqtisadiyyatından, suveren sazişlər üzrə borclarından və dövlət tərəfindən digər
ölkələrin intellektual mülkiyyətinin oğurlanmasının təşviq edilməsindən gedir”.
Agentlik ABŞ-ın ən yeni Çinin hərbi texnika ilə təchizatından və onun Cənubi-Çin
dənizində süni adalar tikməklə bölgədə özü üçün yeni ərazilər qəsb etməsindən
olduqca qəzəbli olduğunu qeyd edib.