AKP-nin İstanbul məğlubiyyəti... –Ərdoğan
revanşa hazırlaşır
Türkiyə Prezidenti və AKP sədri
Rəcəb Təyyub Ərdoğan bu gün İstanbulda partiyasının millət vəkilləri ilə bir
araya gəlib.
Uluyol.az teleqraf.com-a istinadən xəbər verir ki, AKP-nin Beyoğlundakı qərargahında baş tutan görüşə çoxlu sayda deputat qatılıb.
Görüşdə prezident Ərdoğanla yanaşı AKP sədrinin müavini Numan Qurtulmuş, AKP sözçüsü Ömər Çelik, Bayram Çenocak və digər şəxslər də iştirak edir.
Mətbuata qapalı keçirilən görüşün axşam saatlarında başa çatacağı, daha sonra prezidentin İstanbulda AKP üzvü olan bələdiyyə sədrləri ilə görüşəcəyi gözlənilir.
Müşahidəçilər isə bu addımların İstanbul məğlubiyyətindən sonra partiya daxilində yaranan durumu nəzarətə almaq və xalqla daha yaxınlaşmaq üçün hazırlanacaq yeni siyasi kursun öyrənilməsi kimi təqdim edirlər.
