"Qalatasaray"ın ulduzu həbs edildi
Türkiyə milli komandası və "Qalatasaray”ın sabiq ulduzu Ümit Karan barəsində 1 il 8 ay müddətinə həbs qərarı çıxarılıb.
Publika.az xəbər verir ki, futbolçu yaşadığı şəhərdə işləyən adı açıqlanmayan bir qadına qarşı cinsi təcavüzdə ittiham olunur.
Məsələ ilə bağlı açıqlama verən Ümit Karan iddiaları təkzib edib: "Həyatım boyunca heç kimə qarşı yanlış davranış sərgiləməmişəm. Mən Atatürkçüyəm. Mənə cəza verəcəksinizsə, Atatürkçülükdən verin. Hadisənin üstündən uzun zaman keçib. İttihamlar doğru deyil, qəbul etmirəm”.
Qeyd edək ki, sözügedən hadisə 2015-ci ildə baş verib.
