Xəbər verdiyimiz kimi, dünən Xalq artisti İlhamə Quliyeva ilə vida mərasimində mədəniyyət və turizm naziri Əbülfəs Qarayevin çıxışı qalmaqala səbəb olub. Onun "İlhamə Quliyevanı da şəhidlərin sırasına qatıram” deməsi cəmiyyətdə narazılığa səbəb olub.
Uluyol.info AzNews.az-a istinadən xəbər verir ki, nazirlik bununla bağlı rəsmi açıqlama yayıb və bəzi kütləvi informasiya vasitələrinin sensasiya naminə nazir tərəfindən səsləndirilən fikirlərin ümumi kontekstdən çıxarıldığını və başqa mənaya yönəldildiyini bildirib.
Əbülfəs Qarayevin İlhamə Quliyevanın vida mərasimindəki çıxışının videosunu təqdim edirik:
