Jan-Klod Yunker: "Avropa Birliyi Böyük Britaniyanı saxlamağa çalışmır”
"Avropa Birliyi Böyük Britaniyanı tərkibində tutmağa çalışmır”.
Musavat.com xarici
agentliklərə istinadən xəbər verir ki, bu sözləri Avropa Komissiyasının hazırkı
sədri Jan-Klod Yunker Almaniyanın "Welt am Sonntag” qəzetinə söyləyib.
J.K.Yunker ada dövləti ilə müzakirələrdə əsas məqsədlərinin gələcək münasibətlərə
aydınlıq gətirilməsi olduğunu qeyd edərək, Böyük Britaniya xalqının
referendumdakı qərarına hörmətlə yanaşdıqlarını vurğulayıb.
Onun sözlərinə görə, Avrop Birliyi "Brexit” prosesinin davam etməsi üçün Böyük
Britaniya parlamentinin qərarını gözləyir.
”Mən işimi Britaniyanın AB-ni
tərk etməsi əsasında qurmuşam. Çünki bunu Böyük Britaniya xalqının özü istəyib”,-deyə
Yunker qeyd edib.
Avropa Komissiyasının sədri "Brexit”lə ağlı ikinci referendum məsələsinin
britaniyalılardan asılı olduğunu qeyd edərək, adadakı Birlik tərəfdarlarına
yaşıl işıq yandırıb.
Jan-Klod Yunker son vaxtlarda Avropa Birliyini ABŞ, daha doğrusu onun
prezidenti Donlad Tramp arasında ticarətlə bağlı yaranan gərginliyə də toxunub.
"Mən ona verdiyi sözü tutana qədər inanıram. Əgər o, vədindən dönsə o zaman özümü verilmiş sözlərə bağlı hiss etməyəcəm”,-deyə Yunker sonda qeyd edib.
