Səudiyyənin yeni XİN başçısı
jurnalistin qətlinə dair açıqlama verib
"Jurnalist Camal Qaşıqçının ölümü böhranla deyil, Səudiyyə Ərəbistanındakı dəyişikliklərlə bağlıdır”.
"Report” "Anadolu” agentliyinə istinadən xəbər verir ki, bunu Səudiyyə Ərəbistanının yeni xarici işlər naziri İbrahim əl-Assaf "əl-Hurra” telekanalına açıqlamasında bildirib.
Qeyd edək ki, jurnalist Camal Qaşıqçı oktyabrın 2-də Səudiyyə Ərəbistanının İstanbuldakı Baş Konsulluğunun binasında öldürülüb.
Kral Salman bin Əbdüləziz al-Səud dekabrın 27-də ölkənin xarici işlər naziri Adil əl-Cübeyri tutduğu vəzifədən azad edib.