Rusiyalıların 86%-i orduya güvənir
Ümumrusiya İctimai Rəyi Öyrənmə Mərkəzi əhalinin dövlət təsisatları və ictimai orqanlara etimadını araşdırıb. Novator.az xəbər verir ki, mərkəzin keçirdiyi sorğu rusiyalıların daha çox orduya və kilsəyə inandığını üzə çıxarıb.
Respondentlərin 86%-i orduya dəstək nümayiş etdirib. 4 il öncə ilə müqayisədə orduya etibar edənlərin sayında 20% artım qeydə alındığı bildirilir.
Sorğu iştirakçılarının 69%-i Rus Pravoslav Kilsəsinə inandığını deyib.
Əhalinin etimadı baxımından üçüncü sırada hüquq mühafizə orqanları gəlir: 57%.
Sorğu parlamentin hər iki palatasına etimadın azaldığını göstərib. 4 il əvvələ nisbətdə aşağı palataya – Dövlət Dumasına əminlik reytinqi 48,5%-dən 35,5%-ə, yuxarı palataya – Federasiya Şurasına etimad 45,6%-dən 39,2%-ə enib.
