Qarabağda erməni əsgər minaya düşüb
Azərbaycanın Ermənistan silahlı qüvvələri tərəfindən işğal edilmiş Dağlıq Qarabağ bölgəsində düşmən ordusunun əsgəri minaya düşüb.
Virtualaz.org yerli KİV-ə istinadən bildirir ki, sol ayağından və üzünün sol nahiyəsindən yaralanan erməni əsgəri Qevork Ovanisyan Ermənistan Müdafiə Nazirliyinin Yerevandakı hərbi hospitalına gətirilib. Onun vəziyyətinin ağır olduğu bildirilir.
Xatırladaq ki, bu gün həmçinin, göz nahiyəsindən güllə yarası alan erməni əsgəri Rafik Vaqanyan da hospitala yerləşdirilib. Bununla da, son 3 gün ərzində müxtəlif xəsarətlər alaraq xəstəxanaya gətirilən erməni hərbçilərin sayı 4-ə çatıb.
