Daha bir ölkə Qüdsü İsrailin paytaxtı kimi tanımağa hazırlaşır
Avstraliya hökuməti Qüdsü İsrailin paytaxtı kimi tanımaq niyyətində olsa da, yaxın zamanlarda səfirliyini Təl-Əvivdən köçürməyi planlaşdırmır.
"The Australian” qəzetinin yaydığı xəbərə görə,
Avstraliyanın Baş naziri Skott Morrisonun və nazirlər kabinetinin bu barədə qərarı
dekabrın 12-də rəsmən elan olunacaq. Səfirliyi Qüdsə köçürməkdən imtina edilməsinin
isə maliyyə ilə bağlı olduğu bildirilir. Bu, 200 milyon dollara başa gələ bilər
ki, hakimiyyət orqanları belə böyük xərcə getmək istəmir.
Xatırladaq ki, Avstraliyadan öncə ABŞ, Qvatemala, Çexiya, Braziliya və Honduras
Qüdsü İsrailin paytaxtı kimi tanıyıb. Hələlik isə orada yalnız iki dövlət –
Birləşmiş Ştatlar və Qvatemala səfirlik açıb. Regionda vəziyyəti gərginləşdirən
bu addımı kəskin etirazla qarşılayan bir çox dünya liderləri və beynəlxalq təşkilatlar
isə şəhərin statusu məsələsini Fələstin-İsrail münaqişəsinin əsas problemi
hesab edirlər. (AZƏRTAC)