Böyük Britaniyada baş nazirə etimadsızlıq göstərilə bilər
Böyük Britaniyada hakim Mühafizəakarlar partiyasından olan bir qrup deputatın təşəbbüsü ilə baş nazir Tereza Meyə etimadsızlıq göstərmək üçün səsvermə keçiriləcək.
Partiyada Tereza Meyə müxalifətdə olanlar bunun üçün tələb olunan, parlament deputatlarının 15%-nin imzasını alıb.
Səsvermənin Bakı vaxtı ilə 22:00-dan başlayacağı bəlli olub.
Son məlumatlara görə, baş nazir Tereza Mey ətrafındakılara təslim olmayacağını və sona qədər mübarizə aparacağını sölyəyib.
Xatırladaq ki, bundan öncə baş nazir Tereza MeyBöyük Britaniya parlamentdə "Breksit” sazişi ilə bağlı həlledici səsverməni təxirə salmağa nail olmuşdu.
Siyasi müşahidəçilər baş nazirin bu addımı sazişin parlamentdən keçməyəcəyini, onun ardınca isə özünün istefa məsələsinin qoyulacağını bildiyi üçün belə bir addım atdığını qeyd edirlər.
Görünür, son gəlişmə Tereza Mey əleyhdarlarını dayandırmayıb və onlar saziş olmadan də hərəkətə keçmək qərarına gəliblər.
Böyük Britaniyanın Breksit üzrə keçmiş naziri Devid Devis Krallıq parlamentinin Böyük Britaniyanın Avropa Birliyindən çıxmaqla bağlı razılaşmaya qarşı çıxmaq hüququnun olduğunu bəyan edib