Almaniyada təkcə 2017-ci ildə 140
min qadın zorakılığa məruz qalıb
Günahkarların əksəriyyəti isə hamının düşündüyü kimi miqrantlar deyil, almanların özləridir
Zorakılıq, təcavüz, qətl.. Almaniya Cinayət polisinin "2017-ci ildə məişət zorakılığı ilə bağlı kriminal statistikası”nın yaydığı məlumata əsasən, ölkədə 140 min qadın göstərilən cinayət əməllərinin qurbanı olub.
Onlardan 147-i isə öldürülüb.
"Qadınların bir çoxu üçün yaşadıqları ev qorxu dolu, təhlükəli məkana çevrilib”,- deyə Almaniyanın ailə məsələləri üzrə naziri Fransiska Giffi ölkənin "Die Welt” qəzetinə bildirib.
Qəzetin məlumatına əsasən, ölkədə məişət zorakılğı şəraitində həyata keçirilən cinayət qurbanlarının 82%-i qadınlardır. Onların ən az yarısı cinayətkarlarla bir evdə yaşayıblar.
Real rəqəmlər isə rəsmi məlumatdan daha çoxdur. Özü də bunu federal nazir deyir. Xanım nazir ev zorakılığının həlledici faktorunun miqrantlar olması fikri ilə də razılaşmır. Cinayətkarlaırn 68%-i milliyətcə almanlardır.
Ədliyyə naziri Katrina Barlinin sözlərinə görə, hələ əldə olan məlumatlar qurbanların polisə müraciət etməsi sayəsində gəlib. O, bunun üçün polislə əməkdaşlığın vacib olduğunu söyləyir.
"Ölkədəki hər üç qadından birinin zorakılıqla üzləşdiyi bir məqamda onların sadəcə 20%- kənardan kömək axtarır”,-məqalədə qeyd olunur.
