Dünyanın 10 ən varlı adamı bəlli
oldu
"Bloomberg” agentliyinin ekspertləri dünyanın ən varlı adamlarını müəyyən edən "Bloomberg Billionaires Index”ini (BBI) yeniləyiblər.
BBİ reytinqi ümumilikdə dünyanın 500 ən zəngin insanını əhatə edir.
Musavat.com "Vesti ekonomika”ya istinadən həmin siyahıdakı 1 ən varlı adamı təqdim edir.
1. Ceff Bezos-132 milyard dollar
Ceff Bezos Amazon.com internet şirkətinin təsisçisi və rəhbəridir. Bundan başqa, o, "Blue Origin” aerokosmik şirkətinin, həmçinin "The Washington Post” qəzetinin sahibidir.
2. Bill Geyts- 95,5 milyard dollar
Bill Geyts amerikalı sahibkar, ictimai xadim, xeyriyyəçidir.
O, Pol Allenlə bilrikdə "Microsoft” şirkətinin yaradıcısı və keçmiş ən iri səhmdarıdır.
Son bir ildə onun sərvəti 3,68 milyard dollar daha artıb.
3. Uorren Baffet -89,7 milyard dollar
Uorren Baffet dünyada ən böyük investorlardan sayılır. Baffet həmçinin insanlıq tarixinin ən böyük xeyriyyəçisi olaraq yadda qalacaq. 2010-cu ildə amerikalı multimilyarder özünün sərvətini böyük hisəssini (97 milyard dollar) xeyriyyəçi fondlara vəsiyyət edib.
4. Bernar Arno-68,8 milyard dollar
Fransalı biznesmen Bernar Arno Louis Vuitton Moët Hennessy şirkətlər qrupunun prezidentidir. Son bir ildə onun sərvəti 5,53 milyard dollar yüksəlib.
5. Amansio Orteqa-65,9 milyard dollar
Amansio Orteqa ispaniyalı sahibkardır. O, keçmiş həyat yoldaşı Rozaliya Mera ilə birlikdə İnditex şirkətlərinin sahibidir. Şirkətin dünyanın 77 ölkəsində 5 mindən çox mağazası var. Bundan əlavə, Orteqa Florida, London, Lissabon və Madriddə daşınmaz əmlaklar sahəsində, həmçinin qaz sənayesi, turizm və bank işi lə bağlı iri sərmayələr qoyub.
Son bir ildə oun sərvətinin 9,49 milyard dollar azaldığı
qeyd edilir.
6. Mark Sukerberq-55,3 milyard dollar
Facebook sosial şəbəkəsinin rəhbəri Mark Sukerberq bu ilin başlanğıcından Rusiyanın ABŞ-dakı seçkilərə müdaxiləsi ilə bağlı şirkəti ətafında yaranan qalmaqala görə 17,4 milyard dollar pul itirib.
Səhmlərinin qiymətlərinin aşağı dşüməsi səbəbindən Sukerberq reytinqdə 6-cı yerə yuvarlanıb. İyul ayında isə o, yalnız Ceff Bezos və Bill Geytsdən geri qalaraq planetin 3-cü varlı adamı sayılırdı. Həmin vaxt Sukerberqin varidatının 86 milyard dollar civarında olduğu deyilirdi.
7. Larri Ellison-54,7 milyard dollar
Larri Ellison da amerikalıdır. O, "Oracle” şirkətinin həmtəsisçisi, direktorlar şurasının sədri və texnologiyalar üzrə direktorudur. 1976-2014-cü illərdə isə o həm də şirkətin baş icraçı direktoru olub. Elison bundan başqa 2016-cı ildə "Oracle” tərəfindən 9,3 milyard dollara satın alınan "NetSuite” şirkətini ən iri səhmdarı sayılır.
Son bir ildə onun varidatının 1,62 milyard dollar artdığı bidirilir.
8. Larri Peyc-52,5 milyard dolar
Larri Peyc Sergey Brinlə birlikdə "Google” axtarış sisteminin yaradıcısıdır.
Son bir ildə onun sərvəti 96,2 milyon dollar artıb.
9. Karlos Slim-52,1 milyard dollar
Karlos Slim hazırda Meksikanın ən varlı adamı hesab edilir və 200-dən çox şirkətin sahibidir. Lakin son bir ildə onun varidatı 9,47 milyar dollar azalıb.
10. Sergey Brin-51,1 milyard dollar
Sergey Brin BAŞ-ın hesablama və informasiya texnologiyaları, iqtisadiyyat sahəsində iri sahibkarlarından və alimlərindən hesab olunur. Yuxarıda adı 8-cı sırada qeyd olunan Larri Peyclə birlikdə o, "Google” şirkətini təsis edib.
Son bir ildə Sergey Brinin sərvəti 64, 7 milyon dollar artıb.//musavat.com
Uluyol.az