Turizm üçün təhlükəsiz və təhlükəli ölkələr
"İnternational SOS” tibb xidməti şirkəti turizm üçün təhlükəsiz və təhlükəli ölkələrin siyahısını açıqlayıb. Novator.az-ın məlumatına görə, reytinq tərtib olunarkən terror, münaqişə, cinayət, təbii fəlakət göstəriciləri, polisin və fövqəladə xidmət orqanlarının işi, nəqliyyat infrastrukturunun durumu kimi meyarlar nəzərə alınıb.
Finlandiya, Norveç, Danimarka və İrlandiya "İnternational SOS”un reytinqində turistlər üçün ən təhlükəsiz ölkələr sayılıb.
Ən təhlükəli ölkələr kimi Somali, Yəmən, Əfqanıstan, Mali, Cənubi Sudan, Liviya və Suriya qeyd olunub.
Azərbaycan, Gürcüstan və Ermənistan az təhlükəli ölkələr, Türkiyə və Rusiya orta təhlükəli ölkələr siyahısında yer alır.
