Fevralın 21-də Saatlıda Müsavat Partiyasının zona müşavirəsi keçirilib. Bu haqda "Basta”ya Müsavat başqanının müşaviri Azər İsmayıl məlumat verib. Müşavirədə partiyanın Saatlı, Sabirabad və İmişli rayon təşkilatlarının təmsilçiləri iştirak ediblər. Azər İsmayıl müşavirədə olduqca məhsuldar bir müzakirələrin aparıldığını deyib.
Müşavirədə Müsavatın Divan üzvü Nemən Kərimli, MNTK üzvü Əliş Əzizov, Müsavat Gənclər Təşkilatının təmsilçiləri Əbülfəz Sadıqbəyli və Vasif Sadıqbəyli iştirak ediblər. Nemət Kərimli ölkədəki ictimai siyasi vəziyyət və partiyanın qarşısında duran vəzifələr haqqında məlumat veriblər. Yerli təkilatların rəhbərlərinə yeni təlimatlar çatdırılıb.
Toplantıda həmçinin keçmiş millət vəkili İltizam Əkbərli və yerli təşkilatların təmsilçiləri çıxış ediblər.
Müsavat Partiyası fevral ayında Azərbaycanın bölgələrində zona müşavirələri keçirib. Bundan əvvəl partiyanın rəhbərliyinə daxil olan şəxslər Göyçay, Şəki, Balakən, Quba, Salyan, Cəlilabad, Şamaxı, rayonlarına və Gəncə şəhərinə səfər edərək, analoji müşavirələr keçiriblər.
Mustafa Hacıbəyli, bastainfo.com
