Dünyada Putinə Trampdan daha çox etibar edirlər
Rusiya prezidenti Vladimir Putin ABŞ prezidenti Donald Trampla müqayisədə dünyada daha çox etibara sahibdir.
Xarici KİV-in məlumatına görə, "Pev Research Center”in keçirdiyi sorğunun nəticələri belə deməyə əsas verir. Sorğuda respondentlərin 27 faizi Trampa etibar edib, Putin isə 30 faizlik göstərici ilə onu qabaqlayıb.
Etibar reytinqində ilk pillədə 52 faizlə Almaniya kansleri Angela Merkel qərarlaşıb. Fransa prezidenti Emmanuel Makron 46 faizlə ikinci, Çin lideri Si Szinpin isə 34 faizlə üçüncü olub.
Sorğu zamanı dünyanın 25 ölkəsindən 26 min insanın fikri öyrənilib.
