Fevralın 19-da Müsavat Partiyasının qərargahında Milli Strateji Düşüncə Mərkəzi (MSDM) "Böhran: Qlobal və Lokal amillər” mövzusunda Dəyirmi Masa keçirib. İsa Qəmbərin sədrliyi ilə keçirilən toplantıda tanınmış filosof, professor Əbülhəsən Abbasov məruzə ilə çıxış edib. Ə.Abbasov bəşəriyyətin qlobal problemlər girovluğunda olduğundan danışıb, liberalizmin böhrana uğradığndan, bəşəriyyətin yeni ideyalara ehtiyacı olduğunu bildirib.

Müzakirələrdə analitik Toğrul Cuvarlı, tarixçi alim Yaəsəmən Qaraqoyunlu, İstiqlalçı millət vəkili İsgəndər Həmidov, Müsavat başqanının müavini Elman Fəttah, Əhrar partiyasının sədri Vaqif Hacıbəyli, Müsavatın Məclis üzvü Arzu Səmədbəyli və digərləri iştirak ediblər.

Müzakirələrə yekun vuran İsa Qəmbər liberalizmin böhrana uğradığı barədə fikirlərlə razılaşmadığını bildirib. O qeyd edib ki, əksinə liberalizm inkişaf edir və bəşərriyyət öz inkişafında liberalizmə yetişə bilmir. Məsələn, insan həyatının, azadlığın dəyərinin artması, dərk olunması sürəti, bu dəyərlərin təmin olunması sürətini ciddi şəkildə qabaqlayır. İştirakçılar MSMD-in maraqlı diskussiya şəraitində keçən tədbirlərinin davam etdirilməsi zərurətini qeyd ediblər.

Mustafa Hacıbəyli, bastainfo.com