Xızı və Neftçalanın başçıları "son zəngi"ni gözləyir...
Ölkədə hakimiyyətin siyasətinə xələl gətirən icra
başçılarının yola salınması prosesi davam etməkdədir.
İqtidar xalqı qıcıqlandıran və problemlərlə baş-başa qoyan rayon icra hakimiyyəti
başçılarını istefaya göndərməyi planlaşdırıb.
Xızı və Neftçala rayonlarına yeni təyinatlar gözlənilir. Bu barədə DİA.AZ-a
bilgili qaynaqlardan informasiya daxil olub.
Qeyd edək ki, son zamanlar tənqid hədəfində olan icra hakimi Xəzər Aslanovdur.
Yardımlını "fəth” etdikdən sonra Xızıda "fətir” yapan icra başçısının bərbad
idarəçiliyi göz qabağındadır.
X.Aslanov faktiki olaraq rayonu başdı-başına buraxıb və kommersiya tərəflərini
fikirləşir. Onun vecinə deyil ki, Xızının problemlərinin axırı necə olacaq.
Əslində, Xızı Bakıdan cəmi 100 kilometr aralıda yerləşir. Amma yüzlərlə problemlə
baş-başa qoyulub.
Hətta ucqar Lerik və ya Daşkəsəndə bu problemlərə rast gəlmək olmaz.
X.Aslanovun rəzil idarəçiliyi nəticəsində və yarıtmaz müavinlərinin
tamahkarlığı sayəsində rayon geridə qalıb.
17 min əhalisi olan Xızı rayonunda aptek, yanacaqdoldurma məntəqəsi və bazar
olmaması haqda bu günlərdə məlumat yayıldı. Əhali bu cür problemlərdən ciddi əziyyət
çəkir. Amma təkcə bu problemlərlə iş bitmir. Məsələn, su problemini qeyd etmək
olar.
Sakinlər bildirirlər ki, Altıağacda torpağın sotu 8-10 min manatdır. Başqa yerlərdə
isə torpağın sotu 1500-3000 manat arası dəyişir.
Rayon rəhbəri hektarlarla sahəni satıb, qoruğun ətrafı istirahət mərkəzlərinə
çevrilib. Bundan əlavə, məcburi köçkünlərə tikilən başqalarına satıblar. Bu
işin arxasında icra başçısı dayanır.
Neftçalanın icra başçısı İsmayıl Vəliyev də iqtidarın qara siyahısındadır.
Xızının icra başcısı Xəzər Aslanovun qardaşı, Neftçalanın icra başcısı İsmayıl
Vəliyevin qaynı Rövşən Aslanovun dələduzluqda ittiham olunması hər iki məmurun
reputasiyasını birdəfəlik edib.
Daxil olan məlumatlardan aydın olur ki, artıq hər iki icra başçısı yola
salınır: "Sadəcə olaraq sanılı günlər... bəlkə də saatlar qalıb..."
Qarşı tərəfi də dinləməyə hazırıq...