Emmanuel Makron: "Türkiyə və Rusiya ilə strateji tərəfdaşlıq Aİ-nin təhlükəsizliyi üçün vacibdir"
"Uzunmüddətli perspektivdə Avropanı Rusiya və Türkiyə ilə əlaqələr olmadan qura bilmərik".
"Report" TASS-a istinadən xəbər verir ki, bunu Fransa prezidenti Emmanuel Makron Parisdə fransalı səfirlər qarşısında çıxış edərkən deyib.
Fransa prezidentinin sözlərinə görə, Avropa İttifaqı (Aİ) Rusiya və Türkiyə ilə yalnız strateji tərəfdaşlıq çərçivəsində əlaqələr qurmalıdır: "Bu ölkələr Aİ-nin kollektiv təhlükəsizliyi üçün vacibdir. Onları Avropaya birləşdirmək lazımdır. Çünki onların Avropa ilə birgə tarixi var. Gələcəyimizi birlikdə qurmalıyıq".
Bundan əlavə, o qeyd edib ki, Fransa beynəlxalq münaqişələrin həllində vasitəçi rolu oynamalıdır: "Biz diplomatik, hərbi, mədəniyyət, təhsil, milli və Avropa nəhəngi olmalı və həmişə vasitəçi kimi çıxış etməliyik".