İngiltərə futbolunun əfsanəsi həbs edildi
İngiltərə millisinin sabiq futbolçusu Pol Qaskoyn qatarda qadına sataşdığına görə Britaniya polisi tərəfindən saxlanılıb.
Bu barədə Oxu.Az "The Sun”a istinadla xəbər verir.
"Qaza” ləqəbi ilə məşhurlaşan 51 yaşlı Qaskoyn Darem şəhərinin nəqliyyat polisi tərəfindən qadının şikayəti əsasında həbs edilib. İfadə verdikdən sonra onu müvəqqəti olaraq azad ediblər.
Peşəkar futbolçu karyerasını bitirdikdən sonra "Qaza” tez-tez qalmaqallı hadisələrin iştirakçısı olub. 2016-cı ildə sabiq futbolçu London otellərinin birində davadan sonra xəstəxanaya yerləşdirilmişdi, bir il əvvəl isə onu sərxoş vəziyyətdə qan gölündə aşkarlamışdılar.
