"Azərbaycan qazı bahadır” –Merkel
Almaniya enerji təchizatı ilə bağlı Rusiya qazından imtina etməyəcək.Teleqraf.com xəbər verir ki, Gürcüstanda səfərdə olan Almaniya Kansleri Angela Merkel belə deyib.
Kansler hazırkı vəziyyətdə Avropanın enerji resurslarına (neft və qaz) olan tələbatının əsas hissəsinin Rusiyadan ödənildiyini bildirib:
"Soyuq müharibə dövründə belə, Avropa İttifaqı Rusiya ilə enerji sahəsində əməkdaşlıq etmişdi. İndi də Rusiya qazına "yox” deyə bilmərəm”.
Azərbaycandan qaz tədarükü barədə danışan Merkel Berlinin Rusiyadan yanacaq aldığı qiymətlə Azərbaycandan qaz almaq imkanının olmadığını və Azərbaycan qazının baha olduğunu deyib.
