Türkiyədə zavodda partlayış baş verib
Türkiyədə zavodda partlayış baş verib.
"Report” xəbər verir ki, hadisə İstanbulun Hadımköy səmtində yerləşən müəssisənin qazanxanasında qeydə alınıb.
Hadisə yerinə xeyli sayda yanğınsöndürən maşın və canlı qüvvə cəlb olunub. Zavodun yaxınlığında yerləşən evlərdə yaşayan sakinlər təxliyyə edilir.
Ölən və yaralananlar barədə hələlik məlumat yoxdur.
Qeyd edək ki, zavodda yuyucu vasitələr istehsal olunur.
