Bir müddət bundan əvvəl facebookda dostluğumda olan jurnalist Coşqun Eldaroğlunun bir
statusunu oxudum. Yazmışdı ki, "Azərbaycandakı xanımların çoxu kişiləri rüşvətə meyilləndirir.
Elə bir rüşvətxor kişi tanımıram ki, xanımı onun rüşvətlə qazandığı pulları götürməsin, mənə
lazım deyil desin. Kişilər nə qədər zəifdirlərsə qadınlar da o qədər zəifdirlər. Problemin kökündə
bu amilin rolu var”. Oxuduğum an söz məni tutdu,pis oldum lakin sonra bir tanışımı xatırladım.
Nişanlananda oğlan evinə ən bahalı üzüyü, toyda isə öz ailəsinə ən bahalı mebeli aldırmışdı.
Toydan sonra oğlan evi qır-qızılın, ailəsi isə cer-cehizin pulunu ödəməkdə çətinlik çəkmişdi...
Onun bu fikrində əlbəttə həqiqət vardı. İstədim Coşqun Eldaroğluna şəxsən yazım, sonra bu
yazını yazıb,ona fikrimi belə çatdırmaq qərarına gəldim.
Adicə bir statusu oxuyanda mən öz ətrafımdan bir xanımı xatırladım. Belə meşşan təbiətli
xanımlar ürək ağrısı ilə deyirəm ki, cəmiyyətimizdə, ətrafımızda çoxdur. Nə olub bizim
qadınlara? Niyə mənəviyyatları bu qədər dəyərsizləşib? Bəlkə savadsızdırlar? Bəlkə avamdırlar?
Nədir bu işin kökündəki problem? Tarixdən, ədəbiyyatdan qadınlarımızın mənəviyyatı,
qorxmazlığı, mübarizliyi haqda yazılmış çox dəyərli, fikirlər oxumuşam. Yaxın vaxtlaradək
gözümüzün önündə mərd qadınlarımız azmı idi? Öz həyat yoldaşları ilə birlikdə at belində
gecələyən, ac qalan, şücət göstərərək dözümlülük mücəssəməsinə çevrilən, müharibə illərində
təkbaşına, zəhmətlə uşaq böyüdən dəyərli qadınlarımız çox olub. Bəs bu gün eyni vəziyyət olsa
neçə qadın tamahını saxlayıb vəziyyətdən "üzü ağ” çıxacaq?
Bir Azərbaycanlı xanım olaraq, öz həmcinslərim üzərindəki müşahidəmi, problemin kökünü
nədə gördüyümü bölüşmək istəyirəm.
Qadını belə düşünməyə vadar edən,xarakterini bulandıran kişidir. Bəli, bəli.. Razıyam ki, qadın
kişiyə təsir edir, lakin elə kişi də qadına təsir etdiyi üçün qadınlarımız bu gündədir. Qadına dəyər
baryerini qadın yox, kişi təyin edir. Əvvəlcə kişilərdən yazmaq istəyirəm. Zaman keçdikcə
kişilərin pul ehtirası, və pulun onların özgüvənlərini təmin etməsi,özlərinin gücünü pulda
görmələri, qadınları da pulla ala biləcəkləri fikirlərinə səbəb olmuşdur. Qısaca kişi öz xarakterini
korladı. Əvvəlcə kişilər xaraktersizləşdi. Tədricən qadınları da elə pulla, qızılla kişilər almağa
başladılar. Çünki belə kişilər üçün rahat idi. Əlavə güc sərf etmirdilər, mənəviyyatlarını
zorlamağa ehtiyac olmurdu. Vaxt gəldi, qadınlar da bir növ kişilərin pul ehtirasını imitasiya
etməyə başladılar. Getdikcə hətta bəsit olmayan qadınlar da, cəmiyyətdə rəqabətin pulla rahat
olduğunu kəşf edib bəsitləşdilər. Sanki onlar daha bahalı qızıllar aldırmaqla, həm həmcinslərinin
həm də qarşı cinsin yanında daha dəyərli olacaqlarını duşünməyə başladılar. Faciə burasındadır
ki, vəziyyət elə belə idi! Daha bahalı qadın daha dəyərli olurdu... Daha qadınların mənəviyyat
(bura sadiqlik,qorxmazlıq,düzgünlük,ədalət daxildir) anlayışı pula bərabər oldu. Bu gün
qadınları o cür acgöz edən elə kişilər özləri olmuşdu
ULUYOL.İNFO